Намояндагони шӯроҳои гурӯҳҳои осебпазири аҳолӣ афзалияти дониши худро дар соҳаи тандурустӣ ва ҳифзи иҷтимоии аҳолӣ баланд мебардоранд

15-16 сентябри соли 2018 дар шаҳри Душанбе омӯзиши «Қонунгузории Ҷумҳурии Тоҷикистон дар бораи ҳифзи саломатӣ ва ҳифзи иҷтимоии аҳолӣ» барпо гардид.

Дар омӯзиши мазкур 21 намояндагони Шӯроҳои гурӯҳҳои осебпазири аҳолӣ ва мушовирони баробари ташкилотҳои ҷамъиятие, ки дар соҳаи ВНМО ва БПНМ дар ш. Душанбе ва вилоятҳои Хатлон ва Суғд фаъолият менамоянд, иштирок карданд.

Иштирокчиёни тренинг бо маълумотҳои асосӣ оид ба фаъолияти «ҳуқуқшиносони кӯчагӣ» ва муқаррароти асосии Қарори Ҳукумати Ҷумҳурии Тоҷикистон таҳти № 600 оид ба «Ташкили хизматрасонии тиббӣ ва санитарӣ барои шаҳрвандони Ҷумҳурии Тоҷикистон дар муассисаҳои тиббии Ҷумҳурӣ» шинос гардиданд.

Дар рафти машқҳои амалӣ иштирокчиён бо малакаҳои машваратҳои ибтидоӣ ва роҳҳои ҳуҷҷатгузории арзу шикоятҳо аз гурӯҳҳои осебпазири аҳолӣ дар масъалаҳои гирифтани кӯмаки тиббӣ ва иҷтимоӣ омӯзонида шуданд.

Тренинг аз тарафи ТҶҶ «СФШҒ-Тоҷикистон» дар доираи лоиҳаи «Коҳиши норасоӣ: саломатӣ ва ҳуқуқҳои гурӯҳҳои осебпазири аҳолӣ - 2.0», ки аз ҷониби Вазорати корҳои хориҷии Нидерландия маблағгузорӣ каоада мешавад, ташкил карда шуд.  

• Қаблӣ
• Баъдӣ