Оиди ВНМО/БПНМ

Салом Aнора.
Албатта метавонед фарзанди солим дошта бошед, агар табобати зиддиретровирусиро сари вақт истеъмол кунед. Табобати сирояти ВНМО дар пешгирии интиқоли вирус аз модар ба кӯдак хеле самаранок аст. Муҳим аст, ки ҳарду волидайн пеш аз ба нақшагирии ҳомиладорӣ табобатро оғоз кунед ва барои ноил шудани сатҳи сарбории вирусии номуайяншаванда (супрессия) то ҳомиладоршавӣ кушиш намоед. Имконияти нагузаштани вирус ба тифли навзод аз шахси гирифтори ВНМО дар ҳолати қабули терапия хеле паст аст. Ва духтурон 95,5,% кафолат медиҳанд, ки кӯдак дар чунин ҳолат солим таваллуд мешавад.
Анораҷон, барои ҳамин вақти ҳомиладорӣ ва баъд аз таваллуд аз муоинаи тиббӣ мунтазам гузаштан хеле муҳим аст. Агар ҳомиладорӣ аллакай руй дода бошад, аммо шахси ҳомиладори ВНМО бо ягон сабаб табобати зиддиретровирусиро қабул накунад, муҳим аст, ки ҳарчи зудтар ба истеъмоли доруҳо шурӯъ намояд. Дар ҳар ҳолат бе дору ва табобати бесамар хатари интиқоли ВНМО аз модар ба кӯдак зиёд мешавад. Дар Марказҳои ВНМО духтури занона дорем. Ҳатман биёед ва машварати чӣ равоншинос, табиби сироятӣ ва табиби занонаро пурра мегиред.

Бо эҳтиром Ризвона.

Салом! 

Бале, зани гирифтори ВНМО метавонад кудаки солим таваллуд кунад. Барои ин, зан бояд доимо тахти назорати духтурони соҳаи ВНМО бошад, то ин, ки то таваллуд ва дар рафти он табобати зиддиретровирусиро қабул намуда сарбории вирусии худро дар сатҳи паст нигоҳ дорад ва ҳамаи маслиҳатхои мутахассисонро ба чо орад. Дар ин ҳолат хавфи сироятшавии кудак кариб ба сифр баробар мегардад.

Бо эҳтиром,
Умед Талбов