БО МО ШИНОС ШАВЕД!

Дафтари асосӣ

Икрам Ибрагимов	Директори Афиф. Шахси одил буда, кафолат медиҳад, ки кормандон метавонанд ҳаракати худро дар зинаҳои хизматӣдавом диҳанд, агар онҳо сазовори он бошанд. Икрам боварӣ дорад, ки ҳама гуна амалҳои роҳбар, ки бо таъсири атрофиён муайян карда мешавад, барои ӯ нест, ӯ танҳо ба кормандони бодиққат интихобшуда ва одамон боварӣ дорад. Икрам бофаросат ва ӯҳдабаро буда, метавонад вазъиятро аз назар гузаронида, ҳалли масъалаҳоро дарёфт намояд. Бо ақидаҳои нав, бо камоли хурсандӣ, ҳамкасбонро шинос намуда, ба онҳо маслиҳат медиҳад. Ӯ тавонист корро чунин ба роҳ монад, то ки ҳамаи коргарон метавонанд як қатор вазифаҳоро дар як гурӯҳ ва дар алоҳидагӣ иҷро намоянд. Илмдӯстӣ ва доштани дониши васеъ - ин хислатҳое ҳастанд, ки Икромро ҳамчун ҳамсӯҳбати аҷоиб нишон медиҳад. Ӯ бисёр китоб мехонад ва сафар ба дигар кишварҳо мекунад. Икрам диққати зиёди худро ба он ҷалб мекунад, ки ҳамкасбон боиттифоқ ва ҳақиқатан муттаҳид бошанд.
Зарина Давлятова	Ҳамоҳангсози барномаҳои Aфиф. Зарина дар идоракунии барномаҳо таҷрибаи калон дорад. Ӯ дар иҷрои вазифаҳои кории худ ҷиддӣ мебошад. Дар инсон меҳрубонӣ, ростқавлӣ, ошкорӣ ва шӯхтаъбириро эҳтиром менамояд. Зарина кӯшиш мекунад, ки бо одамон аз сидқи дил, самимона ва эҳтиромона муносибат кунад. Ӯ ҳамеша ба ҳама ёрӣ медиҳад - дар сухан ва амал. Дурӯғгӯи ва дурӯягиро дӯст намедорад. Зарина боварӣ дорад, ки дар ҳама ҳолатҳо ҳалли мушкилиро дарёфт кардан мумкин аст. Зарина ду фарзанди зебо дорад. Ӯ ба онҳо меҳрубона муносибат намуда, ҳамеша дар бораи онҳо ғамхорӣ мекунад ва ба ҳамаи мушкилоти онҳо кӯмак мерасонад.
Хаирова Жанна	Менеҷери молиявии Aфиф. Дар дасти Жанна стратегияи молиявии ташкилот, муттаҳидсозии буҷаҳои нақшавӣ, идоракунии ҷараёни маблағҳо ва ташкили буҷаҳо мебошад. Ӯ ҳамаи маълумотро оиди асоснокии хароҷотҳои нақшавӣ дошта, бевосита ташаккул ва иҷрои нақшаҳои молиявиро назорат мекунад. Фаъолияти ӯ диққаткорӣ ва вазифашиносиро талаб мекунад, ва ин хислатҳо, дар фаъолияти молиявии ҳамаи рутбаҳо афзалиятнок бояд бошанд, меҳисобад Жанна. Ӯ онҳоро дорад. Жанна Афифро, ки ҳамеша бо одамони зебо пур аст, хонаи худ меҳисобад. Ӯ бо ҳамкасбон муомилаи боваринок ва ҳамдигарфаҳмӣ дорад. Жанна модари се духтари зебо мебошад. Жанна шиноварӣ ва пиёдагардиро дӯст медорад.
Ольга Альмухамедова	Менеҷери идоравии Афиф Шахси бо диққат дар кор буда, ҳама хислатҳои заруриро барои идораи офис дорад. Ольга ҳам котиб, ҳам мудири хоҷагӣ ва ҳам маъмур дар як шахс мебошад. Супоришҳои роҳбариятро бо масъулият ва ӯҳдадориҳои худро ба таври аъло иҷро менамояд. Хеле хушҳол ва дорои шӯхтабъӣ буда, метавонад ҳолати ҷиддиро бартараф намояд, агар чунин ҳолат ба вуҷуд ояд. Дар ҳолатҳои душвор ҳамеша тамкинӣ ва эҳсосҳои мусбиро нигоҳ медорад. Ольга ду писарро ба воя расонида, ба онҳо тавонист ҳисси эҳтироми калонсолро тарбия намояд. Ӯ филмҳои илмию оммафҳам ва аҷоибро дӯст дорад.
Орипова Саодат	Мутахассиси лоиҳаи Aфиф Аз рӯи ихтисос Саодат табиби сироятшинос мебошад ва дар ин соҳа таҷрибаи калон дорад. Меҳрубонӣ дар хислат ва фаъолияташ бо бодиққатӣ, раҳмдилӣ ва дасти ёрӣ дароз намудан ба шахсоне, ки дар ҳолати душвор ҳастанд, ҳиссиёт карда мешавад. Рӯзи беҳтаринро дар ҳаёти худ он рӯзеро ҳисоб менамояд, ки вақте ки бо ҳамсари ояндааш вомехӯрад, ки бо ӯ се духтари зеборо тарбия намудааст. Ӯ ба хондан шавқи зиёд дошта, дар шаҳр пиёдагардиро дӯст медорад.
Норматова Фируза	Мутахассиси молиявии Aфиф. Фируза шахси самимӣ ва бодиққат буда, хеле инсондӯст аст. Инсондӯстӣ ва ошкоро муносибат намудан ба ӯ кӯмак мерасонад, ки муносибатҳои ӯ бо ҳамаи одамон дар атрофаш буда беҳтар гардад, махсусан бо шарикони ташкилот. Фурӯза барои ҳисоботи молиявии шарикон масъул аст. Дар ин ҷо дӯстии ӯ ёрдамчии асосӣ мебошад. Фируза кори худро дӯст медорад ва бо масъулият вазифаҳои худро иҷро менамояд. Дар ташкилот ӯро шахси орому устувор меҳисобанд. Ҳар рӯз, новобаста аз мавсими сол ва ҳаво, барои Фируза зебо мебошад. Чунин назари мусбат ба дунё ба ӯ кӯмак мерасонад, ки бо душвориҳои зиндагӣ мубориза барад. Ҳамаи вақти холии худро ба писараш мебахшад. Фируза орзу дорад, ки бо писари худ ба саёҳати даври олам равад танҳо модар, балки дӯсти наздиктарин шавад. Ба рушди зеҳнии фарзандони худ диққат и зиёд медиҳад. Бо варзиш машғул аст ва пиёдагардиро дӯст медорад.
Татьяна Емельянова	Мутахассиси лоиҳаи Aфиф. Як қисми ҷудонашавандаи зиндагии Татьяна фаъолияти кориаш мебошад. Ӯ ҳамкасбонро, ки ақидаҳои онҳо эътимод ва эҳтироми тарафайн мебошад, оилаи дуюми худ ҳисоб менамояд. Татьяна мешуморад, ки то он одаме, ки шахс худро аз даст надиҳад, ӯ аз аз тақдири худ пурқувватар мебошад. Ҳамаи амалҳои ӯ аз саъю кӯшиши дилу ҷонаш ба амал меоянд. Дар инсон хислатҳиои пухтакорӣ, ростқавлӣ, қобилияти шӯхӣ кардан ва фаҳмидани шӯхиҳоро эҳтиром мекунад. Дар вақти холӣ адабиёти бадеӣ мехонад. Татьяна, гӯш кардани мусиқӣ, ва инчунин, бо дӯстон, дар ошхона, таҷриба намудан дар пухтупазиро дӯст медорад. Ба давлатҳои Мағриб сафар карданро орзу мекунад.

Намояндагии дар вилояти Хатлон

Набиева Оксана	Муҳосиб Хислатҳои қавии Оксана - ростқавлӣ, бовиҷдонӣ, устуворӣ ба ҳолатҳои нохуш ва босабрӣ мебошанд. Ӯ ҳеҷ гоҳ кори оғознамударо қатъ намекунад ва бо масъулияти хос барои ҳар як супориш эътибор медиҳад. Оксана чор фарзандро тарбия намуда, кӯшиш мекунад, ки бо меҳрубонӣ, ғамхорӣ ва муҳаббат онҳоро фаро гирад. Дар оила ва бо кӯдакони худ муносибатҳои эътимоднок ва ҳамдигарфаҳмӣ дорад. Барои фарзандони худ, ӯ на танҳо модар, вале дӯст ҳам мебошад. Оксана шиноварӣ ва велосипедравониро дӯст медорад, хусусан, вақте ки ҳамаи аҳли оила иштирок менамоянд.
Шоди Ҳакимов	Ҳамоҳангсоз Шоди дорои тахассуси педагогӣ ва таҷрибаи калони корӣ дар соҳаи маориф мебошад, ки асоси кори муошират бо аҳолии умумӣ, аз ҷумла гурӯҳҳои осебпазири аҳолӣ гардид. Мушкилотӽои дар байни гурӯҳҳои осебпазири аҳолӣ мавҷударо ӽамчун мушкилиӽои шахсӣ қабул мекунад. Бинобар ӽамин, ӽам мизоҷон ӯро ӽамчун одами худӣ қабул кардаанд. Ӯ оиладор буда, падари 5 фарзандони хуб мебошад. Шодӣ кӯшиш мекунад, ки имони некро, ба пирон эҳтиром гузоштан ва меҳнатдӯстиро дар фарзандони худ тарбия намояд. Яке аз хусусиятҳои асосии Шоди ин таҷрибаи зиёди корӣ дар соҳаи ҳифзи тандурустӣ, иҷрои босифати ӯҳдадориҳо дар доираи лоиҳаҳои мавҷудбудаи Намояндагӣ, омодасозии ҳисоботи барномавӣ ва ҳамкории хуб бо шарикони лоиҳа мебошад. Дар вақти холӣ ӯ дӯст медорад, ки ба моҳидорӣ рафта, дар он ҷой ӯ аз оромӣ баҳра гирад ва истироҳат кунад.
Қурбонгул Алимова	Мутахассиси лоиҳа Қурбонгул - меҳрубон, хушмуомила, ҳамеша барои фаҳмидан ва дастгирии шахс кӯшиш мекунад. Ин хислатҳои ӯ ба гурӯҳҳои осебпазири аҳолӣ кӯмак мерасонанд, ки машварат ва санҷиши босифатро барои ВНМО дастрас намоянд. Қурбонгул мутахассиси соҳаи тибб буда, кори худо хеле дӯст медорад ва вазифаҳои худро аз таҳти дил ба анҷом мерасонад. Вай яке аз корман дони аввалини Намояндагӣ мебошад ва ташкилоти худро ҳамчун оилаи дуюми худ меҳисобад. Қурбонгул ба ҳамаи фарзандон ва набераҳои худ хислатҳои хуби худро тарбия намудааст. Қурбонгул сафар карданро дӯст медорад ва орзу дорад, ки ба Италия сафар кунад, чунки барои ӯ рӯҳан мувофиқ аст.
Маликахон Тешабоева	Корманди иҷтимоӣ Маликахон ҳисси баланди некиву адолатро дорад, ӯ шарафи шахси дигарро эҳтиром мекунад, таҳаммулпазирӣ, боэҳтиром, фаҳмидани душвориҳои инсон ва расонидани кӯмак, эҳсосоти оромона дорад. Инҳо хосиятҳое мебошанд, ки ба ӯ дар кори корманди иҷтимоӣ кӯмак мерасонанд. Малика метавонад ба ҳар як шахс, новобаста аз мақоми иҷтимоии ӯ, муносибати хуб пайдо кунад. Вай ба фарзандон ва набераҳояш садоқатмандӣ ва таҳаммулпазириро тарбия медиҳад. Дар вақти холӣ Малика дӯст медорад, ки сабзавот ва меваҳоро дар якчанд намудҳо барои зимистон тайёр намояд.

• Қаблӣ
• Баъдӣ